15. 5. 2020: Премєр і міністер здравотництва подяковали за жертвенну роботу вшыткым здравотным сестрам

Робота здравотной сестры є тяжка професія, но єдночасно є то посланя. В рамках Меджінародного дня сестер і породных асістенток ся 12. мая 2020 за їх жертвенну і тяжку роботу подяковали председа влады СР Іґор Матовіч і міністер здравотництва Марек Крайчі (позн. ред.: а то праві в сучасній барз тяжкій сітуація односно хвороты КОВІД-19). Сімболчну ружу сестрам передали в просторї дїтьского кардіоцентра в Братїславі, де міністер здравотництва робив довгы рокы як дїтьскый кардіолоґ.

„Хочу днесь подяковати вшыткым сестрам на Саловакії за їх надмірно жертвенну роботу, без котрой сі не знаме представити мы докторы, як бы фунґовало здравотництво, кедьже часто праві тот выжный розмір чутя, старостливости, підпоры вшыткым паціентам дають  здравотны сестры,‟ повів міністер здравотництва Марек Крайчі. Єдночасно приобіцяв, же резорт здравотництва зробить вшытко, жебы ся злїпшовали їх робочі условія, платы і поставлїня в сістемі здравотной старостивости на Словакії.

Премєр Іґор Матовіч припомянув проґрамове выголошіня, яке ся дотулять здравотництва і конкретно здравотных сестер. „Стоїть перед нами задача сповнити свої властны слова у проґрамовім выголошіню влады і конретныма дїлами і доказати словацькым здравотным сестрам, же їх роботу сі досправды цїниме,‟ доповнив премєр, котрый заґратуловав вшыткым сестрам і оцїнив їх роботу.

Ministerstvo zdravotníctva SR

Портал Міністерства здравотництвца СР, зо словацького языка перетлумачів: А. З.

Script logo