15. 5. 2017: Можности штудія русиньского языка і културы на Пряшівскій універзітї

11. – 12. мая 2017 представителї Інштітуту русиньского языка і културы Пряшовськой універзіты у складїі ПгДр. Кветослава Копорова, ПгД., і докторандка Зденка Цітріакова навщівили школы Полянськой теріторіалной громады з цїлём пропаґованя штудій карпаторусиністікы на Пряшівській універзітї у Пряшові (Словакія).
 

Школярї Плосковськой і Поляньскої общоосвітных школ  І. – ІІІ. ступня почули інтересну і хосенну інформацію про то, што на Пряшівській універзітї штуденты мають можность штудовати карпаторусиністіку в комбінації з анґлійцькым, нїмецькым і другыма языками, етіков, естетіков, музикознательством ітд. на Філозофічній факултї, а такой дістати висшу педагоґічну освіту біолоґа, еколоґа, ґеоґрафа ітд. на Факултї гуманітарных і природных наук.
 

При тому штудованя на універзітї Словакії є безплатне, а діпломы суть узнаны у вшыткых державах світа.

Юрій ШИПОВІЧ