15. 4. 2022: Юрко ХАРИТУН: Як не любити, Мотто

Юрко Харитун

 

ЯК НЕ ЛЮБИТИ

Люблю лїто

коли ходиш боса по траві

Люблю і осїнь

коли ты як біла береза

без листків

Люблю зиму

перину білу

Як не любити квіточкы в яри

коли пахнуть як груди твої

Потім такы і віршы мої

 

 

МОТТО

Не є дня без рядка

Таке є моє мотто

такы мої слова

Прекрасны слова нашых предків

прекрасны слова Русинів

Бы не запали до забытя

вкладу їх до віршів

Не є дня без рядка

Така є надія моя

Вічно будеме чути

слова і співы Русина

 

(Выбране з Літературного конкурзу Марії Мальцовской 2021)