15. 11. 2020: Премєр: „Пандемічна комісія была согласна з отворїнём кін, театрів, церьквей і фітнес центрїв.‟

Пандемічна комісія влады 13. 11. 2020 у Братїславі схвалила пропозіцію премєра Іґора Матовіча (OĽANO), жебы ся з обмеджінём капаціт отворили кіна, театры, церьквы ці фітнес центры. Інформовав о тім  премєр на соціалній сітї.

Матовіч уточнив, же од понедїлка (16. 11. 2020) бы могли быти отворены театры, кіна і церьквы з максімалнов капацітов 50 процентів, фітнес центры із максімално 6 особами на 15 метрів квадратных. Подля ёго слов могла бы зачати Словацька гокеёва ліґа і перша фотбалова ліґа, затля але без позерателїв.

Здрой: Портал Уряду влады СР.

Script logo