15. 11. 2017: Позваня на 45. семінар карпаторусиністікы

Інштітут русиньского языка і културы Пряшівской універзіты в Пряшові Вас позывать на 45. научный семінар карпаторусиністікы, якый буде 22. новембра 2017 (середа) о 13.00 год. в Бібліотецї карпаторусиністікы на Інштітутї русиньского языка і културы Пряшівской універзіты  (3. шток, ч. 419),
ул. 17. новембра ч. 15.

З лекціов на тему Книжніця ґрекокатолицькой єпархії у Пряшові (1819) як сполочный проєкт пряшівского єпіскопа Ґриґорія Тарковіча (1745 – 1841) і угорьского філантропа Яна-Бабтісты Ковача (1764 – 1834) выступить ТгЛіц. Міхал Ґлеваняк з Універзітной бібліотекы Пряшівской універзіты у Пряшові.

В проґрамі семінара буде i презентація найновшых выдань з карпаторусиністікы.