14. 6. 2016: Позваня на ославы 25-ёх років Світового конґресу Русинів

Милы Русины, Културный союз Русинів Румунії позывать Вас в часї од 9. до 11. септембра 2016 до села Быстра/Марамуреш на події присвячены 25-ій річницї заснованя Світового конґресу Русинів.

 

З каждой членьской орґанізації позываме по 5 членів і тыж вызнамных гостїв: Павла Роберта Маґочія, Александра Зозуляка, Андрія Копчу, Дюру Папуґу, Владиміра Противняка, Анну Плїшкову, Любку Сеґеді-Фалц, Анну Кузмякову, Аґату Пілатову, Ірину Фірцак і Ґабора Гаттінґера.

 

Фінанчны вытраты платиме мы, з вынятком фінанцій на транспорт. Детаілы договориме пізнїше, по підтверджіню Вашой участи.

 

Выконный выбор Союзу Русинів Румунії