14. 4. 2020: 80 років од заснованя новинок „Русское слово‟

„Русское слово‟ – новинкы, котры выходьли двараз до тыждня в Ужгородї (1940 – 1944) в періодї угорьской влады на Підкарпатьскій Руси.

„Русское слово‟ выдавав русиньскый посланець в угорьскім парламентї Андрій Бродій, дістаючі на то державну фінанчну поміч. „Русское слово‟ вымінило новинкы „Русская правда‟, і єй редактром быв Іван Шпак. Новинкы выходили в русиньскім розговорнім языку з примішанём російскых слов. Выданя декларовало ся як „незалежны політічны новинкы‟, але підтримовало погляды А. Бродія на то, же Підкарпатьска Русь мусить дістатли автономію в Угорьску. Новинкы тыж опубліковали серію книжок у редакції Івана Керчу, котры включали літературны антолоґії, а тыж творы окремых авторів, главно в російскім языку („Библиотека современныхъ угрорусскихъ писателей‟, 20 томів).

Павел Роберт МАҐОЧІЙ, здрой: „Енциклопедія історії та культури карпатських русинів‟ зоставителїв П. Р. Маґочія і І. Попа. Ужгород: „Видавництво В. Падяка‟, 2010, с. 660, переклад з україньского языкa: А. З. 

Script logo