14. 10. 2020: Премєр: „Влада не вырїшує о запераню рештаврацій, є то рїшіня одборників.‟

Влада не рїшать о запераню рештаврацій, є то рїшіня одборників. Увів то премєр Іґор Матовіч (OĽANO) 14. октобрта в Братїславі перед рокованём влады в одношіню к высловам міністра господарства Ріхарда Суліка (SaS). Тот бы хотїв, жебы рештаврації, театры ці фітнесцентра заперали лем в окресах, де є в тых заряджінях підтвердженый перенос хвороты КОВІД-19.

„Чекав бы єм од членів влады, жебы знали холем правный порядок. Єдиный, хто може принимати рештрікції в тых дїлах, є Уряд здравотництва,‟ твердить председа влады. Додав, же влада ани раз за шість міцяцїв не принимала ниякы рештрікції, котры ся односять ку гіґіенї.

„Все то є найперше погляд пандемічной комісії, потім то схвалить крізовый штаб а на основі того діє главный гіґіенік. Влада в основнім не має абсолут што до того говорити, є то рїшіня одборників,‟ підкреслив премєр.

На марґо рушіня путованя влаком задармо премєр повів, же бісїда влады може быти о будьчім.

Здрой: Портал уряду влады СР.

Script logo