13. 9. 2019: В неділю Фестіваль «Наша Спільна Незалежна»

В найблизшу неділю, 15. вересня/септембра 2019, на бульварі ім. Леха і Мариі Качыньскых во Вроцалві одбуде ся Фестіваль «Наша Спільна Незалежна». Буде то культурна подія, яка має за цільк вказати, што Польща в річницю ста років од выборотя незалежности єст дежравом одкрытом для вшыткых – в тым і для нацийональных і етнічных меншын. В проґрамі фестівалю концерты ріжных ґруп, специяльно зрыхтувана на тот ден театральна пєса, крамы консулятів і стоіска нацийональных і етнічных меншын. Серед запрошеных находят ся Лемкы, якы в тот ден так само будут выставлювати свій крам. Медияльна ґрупа ЛЕМ.фм+ являт ся єдным з партнерів подіі і буде представляля Лемків на тій подіі. Прото тіж перше лемківскє радийо буде активно брало участ в фестівали “Наша Спільна Незалежна”. Подія зачне ся в само полудне, а потырват до пізного вечера. На подію красні просят Нижньошлезскій воєвода Павел Греняк і Фундация Арттракция. Почесный патронат над подійом тримат Міністер Заграничных Справ Польской Резпубликы.

Севериян КОСОВСКІЙ, ЛЕМ.фм

(Публікуєме в оріґіналї – лемківскім варіантї русиньского языка.)

Script logo