13. 5. 2019: Унікатный Варголів музей ся готує на комплетну реконштрукцію
• Єден із поглядів на пропозіцію реконштрукції ММУЕВ в Меджілабірцях.
• Сучасный погляд на будову ММУЕВ в Меджілабірцях.
Музей модерного уменя Енді Варгола (ММУЕВ) в Меджілабірцях планує великолепну комплетну реконштрукцію, на котру треба коло 4 міліоны евр. Влада приобіцяла , же значну часть реконштрукції заплатить она.
Унікатный музей поп-артового краля Енді Варгола на Словакії ся готує на ґенералну перебудову. 4-міліонова інвестіція бы дістала музей меджі світову музейну вершыну і зробила бы з нёго модерный музей 21-го столїтя. Почас минулорічного засїданя влады в Меджілабірцях єй представителї „кленоту‟, як музей означіли, приклепли 25 тісяч а на другый день у Бардеёві додали іщі 100 тіч евр. „Найперше сьме плановали вымінити світловый парк, поправити соціалны заряджіня і вытворити малы діспозічны зміны в експозіціях. Договор быв , же приготуєме і штудію, як бы мав музей вызерати по коплетній реконштрукції,‟ повідать директор музею Мартін Цубяк. На подобі переміны робив колектів педаґоґів факулт уменя высокых школ. Далшый колектів людей мав на старости візуалну подобу і презентацію штудії – описує творчу роботу Цубяк.
При рекоштрукції ся думать на інтерьєр і екстерьєр. „Основнов ідеёв є, жебы сьме на музей позерали як на умелецьке дїло, а не будинок, в котрім вісять образы. Рахуєме з множеством інтерактівных елементів, оддыховых зон з різныма рівнями зажытку про навщівника,‟ приближує візію Цубяк. Як далше додав, вытвори ли індустріалный модел фасады, котра докаже мінити свою подобу за помочі світел, технолоґічных новот, голоґрамів. Будуть мочі робити з подобов музея в різных варіаціях подля річных періодів і в контекстї даного проґраму. По недавнім засїданю влады в Меджілабірцях премєр Петер Пелеґріні публічно приобіцяв, же на реконштрукцію музею приспіють.
„Кедь музей, край і місто предложать владї конкретну штудію і проєкт на рекоштрукцію, влада є приготовлена фінанцовати значну часть реконштрукції так, жебы сьме могли штонайскорше зачати з нёв‟, повів директор музею на пресбісїдї. Пряшівскый самосправный край затрактівнїня музея бере за єдну зо своїх пріоріт, зато хоче штонайскоршеё ініціовати стрїчу заінтересованых на проєктї.
/ Корзар (Кор. АК) /, жрідло: Народны новинкы Інфо Русин
