13. 1. 2023: Юрко ХАРИТУН: ЯКА ПРАВДА?, ДОЛИНО МОЯ, ХТО НАМ ПОМОЖЕ? (Стихы)

ЯКА ПРАВДА?

Колись за правду били

            за правду вішали

Теперь не бють

            не вішають

Каждый ляпоче

            як хоче

І твердить, же він правду має

Може так ліпше і гірше не буде

Правда така

Крутить ся наша Земля

а мы на ній

Лем не сміє ся закрутити

у нашій  голові

 

ДОЛИНО МОЯ

Будь і росов студенов

перейду тя

Будь скалов тяжков

понесу тя

Будь і огнём

згорю і я

Прошу тя

лем будь моя

А ты будеш у моїх віршах

Яку буду носити

як малу дїтину на руках

 

 

ХТО НАМ ПОМОЖЕ?

Під горов Арарат

Загыбель, потопа, страх

Але на кораблі Ное стоїть

і захранить світ

А теперь ковід

Хто нас захранить

хто поможе нам?

Поміч єдина

од Пана Бога і ёго сына

Злату коруну на голові не мав

Тернёвый вінець носив

За нас терпів

Під ёго хрестом молю ся теперь

Яка потіха коли чую

Хрістос воскрес!

З приправлёваной книжкы Юрка Харитуна – Мої соловї.