12. 3. 2020: У Хмелёвій одкрыли памятну таблу Духновічови і Павловічови

Село Хмелёва і Ґрекокатолицька парохія в Хмелёвій приготовили святочне одкрытя памятной таблы священикам, учітелям і предствителям народного руху Русинів – Александрови Духновічови і Александрови Павловічови, котре ся одбыло 16-го фебруара 2020-го року. В рамках події в хмелївскій Церькви Пресвятой Богородіцї была одслужена панахіда а потім была одкрыта памятна табла русиньскым будителям, котры на своїй жывотній пути перебывали і в селї Хмелёва. Подія была завершена святочнов академіёв, котра проходила в салї културного дому.

-ак-, здрой: НН Інфо Русин, управа: -аз-