12. 3. 2020: Концерт ку жывотному юбілею нашой Марькы Мачошковой

Хто бы в насшім співацькім світї не познав нашу першу русиньску співацьку дівы – Марьку Мачошкову (на фотцї злїва). Того року ся наша Марька, родачка з Потічок, дожывать  прекрасного юбілею. З той нагоды ся в Теaтрї Йонаша Заборьского (ТЙЗ) в Пряшові одбуде концерт під назвов Минули ся мої рочкы, минули, што є назва єдной із єй співанок. На концертї, котрй ся одбуде 22-го апріля 2020-го року од 19-ій годинї в просторах ТЙЗ в Пряшові, окрем юбіланткы, выступлять Ян Амброз, Бурсінкы, ФК Варголчан, співачкы Анна Порачова (на фотцї справа), Маріанна Железна, сестры Єнчовы, Тріо Світковых, ґрупа Роса, Музика Мілана Рендоша і многы іншы, котры многы рокы стояли з нёв на співацькій сценї.

-ак-, здрой: НН Інфо Русин