12. 12. 2021: Новый Ґрекокатолицькый календарь 2022

Общество св. Йоана Кресителя в недавных днях выдало Молитвенник – першый в історії ґрекокатоликів у русиньскім материньскім языку. Теперь выйшов Ґрекокатолицькый русиньскый календарь 2022 (выходить уж 18 років). Тот календарь, як і попереднїй, є писаный главно латиніков по русиньскы, а менша часть азбуков по русиньскы.

В найновшім календарю сі можете прочітати, окрем календарія, такы статї, з котрых спомянеме холем пару, іде о:

• Вступне слово выдавателя, председы Общества, о. Ярослава Поповця.

• Слово на початок єромонаха Кассіяна Каміла Дрозда.

• Двоми юбіланты: отець Ярослав Поповіч славить 60-ку, свідчітель віры Осиф Кудзей славить 70-ку.

• о. Франтїшек Крайняк: 10 років од выданя Словацько-русиньского словаря доц. ПгДр. Юрія Панька, к. н.

• о. Ярослав Поповець: Малярь портрету першого пряшівского єпіскопа (позн. ред.: Ґріґорія Тарковіча).

• о. Іван Барна: Ісус Назарян.

• о. Франтїшек Крайняк: Йоан Ліствічник.

• о. Ярослав Поповець:  Свято валківской церькви.

• о. Якуб Ясик: Мірованя – помазаня оліём.

ׇ• о. Мілан Ясик: Николай Товт – третїй пряшівскый єпіскоп.

• Петро Медвідь: Другый план.

• Мґр. Еміл Ясик: З історії стародавной парохії Машківцї.

• о. Іґор Панчак: Ісус Хрістос-Мелхіседек.

• о. Франтїшек Крайняк: Добра мама.

• Мґр. Марек Ґай, ПгД.:  Форноманя ідентіты і сполоченьского статусу Русинів на переломі 19. і 20. сторіча, ітд.

Хто сі хоче обїднати спомянутый молитвенник і календарь, може так зробити контактом на: osjk.artos@zoznam.sk, 0911 811 191, 057/73 98 147. Желаме приємне і хосенне чітаня!

-аз-