12. 11. 2021: Юрко ХАРИТУН: Моє село, Трампоты, Што за мода? (Стишкы)

Юрко Харитун

 

МОЄ СЕЛО

Моє село пахло

садовинов

медом

Село прикрыла

вода преграды

Пропало

І над селом

вышнї черешнї

зрубали

Де село стояло

люде не забыли

Чіёв винов

не чути спів в долинї?

 

ТРАМПОТЫ

На мене гнївать ся і пся

не выйде з буды сховать ся

в ночі не бреше

сковынчіть

Може ёму куршміт поможе

Ці правда буде

мылю ся?

Одвяжу ремінча із шыї

під стрїху завішу ланцок

Стало ся

Псичок на мене скаче

на цїле село брехот

(скоро мене розплаче)

а тілько было трампот

 

ШТО ЗА МОДА?

Боканчі їсти просять

а я їх ношу

Не привыкну на новы

Тискають

дусять лаковкы

хоць дорогы

Як было добрї молодому

і по стерняньцї босоного

на клиньцу в коморі вісїли

покы не выпали снїгы

Занесу шустрови

поправить

іщі добры языкы

як моя тварь рапава скора

весело зайду до рїкы

Не просять їсти

не пють воду

Менї украджена будь мода

 

(З приправлёваной книжкы Юрка Харитуна – Надгорїты мої днї.)