12. 10. 2020: Выхова і навчаня народностных меншын

www.ucimenadialku.sk

Охрана і підпора  розвоя народностных меншын є природным посланём в процесї формованя модерного общества. Народностны меншыны творять вызначну інтеґралну часть нашого общества, характерістічну великым културным богатством і вызначнов історічнов дїдовизнов. Выхова і навчаня в языку народностной меншыны створює условія про розвой народностных меншын в аспектї захованя і розвиваня їх ідентічности, языка, културы і традіцій.

В Словацькій републіцї є єдна выховно-освітна сістема, котрой рівноцїннов і недїлимов частёв є выхова і навчаня народностных меншын в материньскім языку і навчаня їх материньского языка, враховано інштітуційной ґаранції едукачного процесу в школах і школьскых інштітуціях. Основны законы в реґіоналнім школстві охоплюють тыж выхову і навчаня дїтей і школярїв, якы належать к народностным меншынам. Конштітуція Словацькой републікы вєдно з меджінародныма документами враховано Европской харты реґіоналных або мінорітных языків і Рамкового договору на охрану народностных меншын ґарантує жытелям, якы в Словацькій републіцї творять народностны або етнічны меншыны, окрем іншого, право на навчаня штатного языка і право на освіту в їх языку.
 

На тій сторінцї дістанете інформації повязаны з выховов і навчанём народностных меншын. Будуть то документы і матеріалы, котры поможуть школам і їх фундаторам, але тыж іншы хосенны базы інформацій.

Здрой: Портал Міністерства школства, наукы, баданя і шпорту СР

Script logo