11. 7. 2020: Минуло 95 років од народжіня підкарпатьского русиньского маляря Василя Габды

Василь Габда  нар. 11. 7. 1925 в Ужгородї, у втогдышнїй Чехословакії, теперь на теріторії Україны, умер 22. 8. 2003 в Ужгородї на Українї. Быв малярём і педаґоґом на Підкарпатьскій Руси.

В. Габда учів ся в Ужгородьскій ґімназії (1935 – 1943), де здобыв першу освіту маляря у знамого Осифа Бокшая. Потім штудовав архітекруру в Будапештї (1944 – 1945) і завершыв штудії в Ужгородьскім учіліщу декоратівного уменя (1946) під веджінём О. Бокшая, Адалберта Ерделі і Федора Манайла. Учів ся в Ужгородьскім інштітутї здоконалёваня учітелїв і робив як умелець-декоратер у новозаложенім Закарпатькім музично-драматічнім театрї.

В. Габда быв єдным із челных представителїв  Ужгородьской школы малёваня. Він быв нелем майстром країномальбы в постімпресіоністічнім штилї, але і полотен великого розміру історічных архітектурных памяток. Найвызначнїшы ёго выставкы одбыли ся в Ужгородї (1985) і сусїднїх містах выходной Словакії – Кошіце (1985) і Требішов (1995). Роботы В. Габды експонують ся в многых  музеях Укераїны, але тыж в Росії, побалтьскых країнах, Мадярьску, Нїмецьку, Японії, Канаді, США і Венезуелї.

Здрой: Михал КАПРАЛЬ, „Енциклопедія історії та культури карпатських русинів“ зоставителїв П. Р. Маґочія і І. Попа, Ужгород: Видавництво В. Падяка, 2010, с. 105, переклад із україньского языка: А. З.