11. 2. 2019: Русиньска делеґація на навщіві у пряшівского жупана

14. януара 2019 представителї русиньскых орґанізацій зышли ся в Пряшові на робочій стрїчі з Міланом Маєрьскым, председом Пряшівского самосправного краю.

На споминаній стрїчі взяли ули участь Мартін Караш, председа Русиньской оброды на Словеньску (РОС), Петро Мікула, член Выконного выбору РОС, Петро Штефаняк за Русин Медії і директор інтернетового радія Русин ФМ, Петро Мацко і Марек Чопяк, члены Выконного выбору орґанізації молоды.Русины на Словакії.

Участници стрїчі інформовали пряшівского жупана о цїлковім діятельстві русиньскых орґанізацій. Главныма пунктами засїданя была підпора Пряшівского краю при орґанізованю Світового конґресу Русинів і Світового форуму русиньской молодежи, котры будуть в тым роцї проходити на Словакії, але і покровительство жупана над першым Репрезентачным балом Русинів, котрый буде 16. фебруара 2019 у готелї Дукля в Пряшові. Жупан высловив згоду з покровительством над русиньскым балом і приобіцяв підпорити Світовый конґрес Русинів.

-акуз-

Script logo