11. 2. 2019: Антоній Годинка – застанця русиньского языка

7-го фебруара 1864-го року народив ся в селї Ладомирів, днесь окрес Снина на Словакії – Антоній Годинка, мадярьскый славіста, етноґраф, академік Мадярьской академії наук.

Він быв і ректором Печской універзіты, честным председом Підкарпатьского научного общества (1941 – 1943). Знамы суть ёго історічны роботы, як, наприклад, „Утцюзнина, ґаздувство і прошлость югокарпатскых Русинув‟ (1923), котра была переложена до анґліцького і французского языка. У ёго творчости мож найти лексікоґрафічны і етноґрафічны роботы, котры і до днешнїх часїв не стратили свою цїну: „Глаголиця‟, „Пісні нашых предкув‟ і далшы. В роботї „Першоє і вступительноє слово моє ід честным членам Подкарпатского общества наук‟, ся остро поставив на бік застанцїв русиньского діалекту як основы літературного языка.

Умер 15-го юл 1946-го року в Будапештї.

А. КУЗМЯКОВА, НН Інфо Русин, Народны новинкы Русинів Словакії.

Script logo