11. 12. 2018: Молоды.Русины на сполочній молтві у Кошіцях

Орґанізація молоды.Русины в Кошіцях, котру веде Інж. Марек Чопяк, родак із села Ігляны, окрес Кежмарок, уж сістематічно орґанізує нелем културны, але і церьковно-освітны  події

На недавнім святкованю 10-ой рочніцї орґанізації молоды.Русины, котре проходило три днї у Братїславі, стояв Марек Чопяк на сценї меджі тыма найактівнїшыма молодыма людми, корым была высловлены велика вдяка і котры были за свою роботу і достойно оцїнены.

Вечур 20- новембра 2018-го року русиньска молодеж в Кошіцях зорґанізовала сполочну молитву на Божественній літурґії, котра ся одбыла на інтернатах на уліцї Єдлікова ч. 7 у Кошіцях, де молоды Русины недавно здобыли свої просторы. Церьковнославяньску Службу Божу служыв о. Франтїшек Крайняк із ґрекокатолицькой парохії в Камюнцї, котрый чітав євангеліє і проповідав у русиньскім языку. По літурґії проходила інтересна бісїда о русиньскім літурґічнім языку.

-ак-, НН Інфо Русин