10. 6. 2020: 105 років од народжіня і 25 років од смерти Штефана Кочіска

Штефан Кочіско (Стефан Кочиско, Stephen J. Kocisko) нар. 11. 6. 1915 у Міннеаполісї, штат Міннесота, США, умер 7. 3. 1995 в Юніонтаунї, штат Пенсілванія, США. Быв священиком і церьковным єрархом русиньского походжіня в США.

По скінчіню штудіуй на Папскій універзітї „Урбаніум‟ в Римі быв высвяченый за ґрекокатолицького священика в 1941 р. По службі в різных парафіях Америцькой ґрекокатолицькой (візантійской) руськой церькви на северовыходї США быв высвяченый за єпіскопа. В октобрї 1956 р. Ш. Кочіско став помічником єпіскопа Піттбурґской єпархії (1956 – 1963), першым єпіскопом Пассаїцькой єпархії (1963 – 1968), єпіскопом (1967) і першым митрополітом Піттбуґской архієпархії Америцькой ґрекокатольцькой (візатійской) руськой церькви (1969).

Як митрополіт (до 1991 р.) Ш. Кочіско поміг заложіню цїнной бібліотекы карпаторусиньскых книг, новинок і часописів, котра стала основов Архієпархіялного музею в Піттсбурґу, якый быв створеный у 1971 р. З цїлём захованя новинок і часописів вєдно з іншыма єпіскопами ґрекокатольцькой (візантійской) руськой церькви орґанізовав проєкт мікрофілмованя русиньско-америцькых періодік (1976). Помагав Карпаторусиньскому научному центру в США при выдаваню книжок, присвяченых карпатьскым Русинам і їх културї.

Здрой: Павел Роберт МАҐОЧІЙ „Енциклопедія історії та культури карпатських русинів“ зоставителїв П. Р. Маґочія і І. Попа, Ужгород: Видавництво В. Падяка, 2010, с. 370, переклад із україньского языка: А. З.