10. 4. 2020: Захрана од коронавірусу!? Є то аж так просте?

O тім, ці є коронавірус штучного або природного походжіня ся ведуть споры. В роцї 2015 ся обявила у престіжнім часописї Nature статя о тім, же науковцї вытворили смертельный вірус, котрый прямо інфікує чоловіка і запричінює смерть. Змішали білковину SHC014 з вірусом SARS і дістали смертельный гібрід. Статя є підписана 15 науковцями, з котры 13 сполупрацує з Універзітов Шапелл Гілл у Северній Каролінї.

В статї подробно высвітлили методіку вытворїня патоґену. Суть вытворены многы гібрідны коронавітусы на базї SARS із різныма ступнями патоґенікы. Култівовали їх на културах плюцных  бунок чоловіка VERO E6, здобытых з інштітуту іфекчных хворот армады США. Гібрід  SHC014-COV быв схваленый радов народной безпечности універзіты в Северній Каролінї і радов двоякого призначіня (dual use research of concern committee).

Америцькы воєньскы лабораторії (є їх 400) суть розміщены на америцькых воєньскых закладнях по цїлім світї, дають роботу коло 3 000 науковцям, котры беруть участь у вывою вірусів про воєньскы потребы. Тоты лабораторії суть застрїшены америцькым інштітутом здоровя в штатї Меріленд. Дакотры ся находять у бывшых совєтьскых републіках – Ґрузія, Україна (4), Кірґізія, Азербайджан, Казахстан, Узбекістан, Молдавія.

Але кус іншу верзію обявлїня ся вірусу, а тыж іштрукції, як ся перед нима хранити ці ся з нёго вылїчіти дала 27. 3. 2020 світово узнавана російска мікробіолоґічка Ірина Владиміровна Єрмакова редакторови Андріёви Караулови.  

Єрмакова обернула увагу на то, же Америчане на ліквідацію наслїдків гаварій ропных танкерів і ліквідацію ропных плям вывинули бактерію під назвов „synthia“, котра пожерать углёводїкы. Очевидно але втекла їх увазї реалность, же тота бактерія по зліквідованю ропных плям продовжує в нападанї і пожеранї вшытркого жывого (вшытко жыве складать ся з углёводїків), планктону, рыб, морьскых жывочіхів. Нападать але і чоловіка, пожерать нападнутый комплекс бунок (образкы на інтернетї суть страшны) і способлюють і швыткый запал плюц, котрый кінчіть скоро на 100 % смертёв. Многы з тых, што робили на ліквідації тых плям, ці на засягнутых ропных площінах, вмерли. Вмерли і такы, што купали ся у водї, де обявьла бактерія. Кедь нападе чоловіка, жадна імуніта не поможе. Аж втогды сі одповідны усвідомили небезпеку і увалили строгый заказ на шырїня інформацій о тій смертельній грозьбі. Тота бактерія ся шырить по морю і дішла аж на чіньске побережя, котре выплавило в авґустї минулого року на берег множество мертывых рыб. Очевидно дакотры інфіклованы рыбы ся дістали і ку чоловікови і в Чінї ся з нічого ніч зачали обявлёвати смерти на запал плюц, якы запричінила тота бактерія. До тогды іщі не ішло о коранавірус. Тот ся подля Єрмаковой вывинув так, же обычайны пергач вірус находящій ся у чоловікови в латетнім ставі, напав бунку бактерії „synthia“ і при реплікації вчленив ся до своёй RNK чудный фраґмент ґенетічной секвенції од той бактерії. Так ся вірус став небезпечным, нападаючім плюца чоловіка і способляюючій їх запалїня, правда, не аж в так фаталній подобі, як є сама бактерія synthia.

Професорку Єрмакову в тым одношіню напала спасоносна думка, же бой з коронавірусом можеме выгратри, лем як го окламлеме, як му як пожыву понукнеме таку награду углёводіка, котру не роюпознасть як про себе небезпечну, прийме ю, а так го наслїдно зліквідує. А таков речовинов небезпечнов про коронавірус ся подля професоркы яввить обычайна соль на їджіня ці сода бікарбона (Hydrogenuhličitan sódny NaHCO₃), котра в собі обсягує углёводіковы атомы (атом углика С і атом водіка Н). Зо своїма заключінями ся подїлила із своїма колеґами-мікробіолоґами в Чінї, тоты єй заключіня, якбач, зачали апліковати і шырїня коронавірусу загамовали і велике проценто накаженых ся зачало успішно уздоровлёвати. Не хоче ся мі тому цілком вірити, бо є дивне, жебы ся з тым чіньскы мікробіолоґы не подїлили з остатнїма? Пандемія выникла у Чінї, але одповідность за ню несе очевидно дахто цілком іншый.

Професорка Єрмакова выробила методіку тестованя і лїчіня од коронавірусу, обернула ся на веджіня свого інштітуту, жебы зачав з єй перевірёванём і аплікаціёв. Вдякы ся але не дочекала, праві наспак – пропустили ю...

Іде о важн у інформацію. Вірю, же ся скоро дознаме офіціалну позіцію ку тому, што рекомендує професорка Єрмакова. В каждім припадї є добрї знама реалность, же сода бікарбона є алкалічна, знижує кислоту в орґанізмі і приспівать к ліквідації паразітів, враховано різных мікробів, бактерій і вірусів. Чістить од них і тонке черево, котре є одповідне за діятельство імунітной штруктуры чоловіка. Професор Неумывакін, котрый є доктором російскых козмонавтів і приправляював їх з боку здавотного на лїтаня в козмосї, рекомендує третину аж половину чаёвой ложкы соды залляти горячов водов, охабити ю скыпіти, долляти холоднов водов, жебы рїдина мала теплоту тїла і пити то главно рано все на порожнїй жалудок (жебы ся чім легше і скорше дістала рїдина до тонкого черева) холем 30 минут перед їджінём. Професор рекомендує і 10 квапок 3% розтоку пероксіду водїка до 2 дцл теплой воды (зачінати од 1 квапкы до 0,5 дцл денно і давку звышовати поступно, тестуючі, ці не взникать периязна реакція орґанізму). В тонкім череві ся з пероксіду водїка увольнює атомовый кіслік, котрый ся дістає і до крови і нищіть шкодливы мікробы. Самособов, неслобідно брати нараз за собов і соду, і пероксід.

Тов статёв ани здалека не хочу твердити, жебы ся чоловік з підозрінём на накажіня коронавірусом не мав звірити до рук докторів, але чом як першу поміч (або послїдню надію?) не выужыти помічный поступ із содов? Втогды бы єм звекшыв і фреквенцію питя воды (вецераз за день) і множество соды. В каждім припадї отестовати тоту просту методу бы стало зато, бо о выслїдках бы сьме ся дізнали барз скоро.

Желам вшыткым чітателям в тых нелегкых часах певны нервы, оптімізм, добру наладу і душевный спокій – важны то факторы успішного боя з навидительным неприятелём...

Інж. Петер КОГУТ, к. н., член здружіня словацькой інтеліґенції KORENE, перетлумачів із словацького языка, скоротив і доповнив фотоґрафію: А. З.

Script logo