10. 3. 2016: Выставкы із великоднов тематіков

Кідьже векшына Русинів на Словакії єднако, як і векшына Словакії, ідуть за новым календарём, в тых днях у дакотрых селах і містах орґанізують ся выставкы, котры суть присвячены якраз Великодню – святу, котре за новым штілом буде того року 27-го марца.

Першов выставков, на котру звертаме увагу, є Карпатьска писанка в Гуменнім. Вернісаж выставкы одбыла ся 10-го марца 2016-го року в просторах Вігорлатьского музею. Выставка буде до отворена до 8-го апріля і орґанізатором є спомянутый Вігорлатьскый музей в Гуменнім вєдно із Окреснов орґанізаційов Унії жен Словакії.

В пятніцю 11-го марца  мож прийти до Міджілаборець на выставку. Там буде в Домі културы о 14.00 год. вернісаж выставкы під назвов Чарівны шкарупкы. Орґанізатором выставкы великодных декорацій є місто Міджілабірцї, і выставку буде мож відїти до 23-го марца.

В тот самый день можете  в Домі културы в Меджілабірцях мож было іти на концерт під назвов Пукета тонів. Народна музика Шарішанцї буде в Міджілабірцях грати концерт присвяченый Міджінародному дню жен.

Вже третій річник выставкы під назвов Хмелївска писанка, на котрій буде мож відїти і то, як ся окрашають писанкы, буде проходити дня 19-го марца 2016-го року в Културнім домі в Хмелёвій. Выставка зачінать о 15.00 год. і орґанізатором є обчаньске здружіня Русин Хмелёва. Выставку підпорило і село Хмелёва.

П. М.