1. 7. 2020: Шымбарковы Собіткы
В неділю, 28. червця/юнія 23020, в Скансені Погіряньского Села в Шымбарку проходили Собіткы.
Подія мала характер пленеровый, а проґрам стрічы был богатый і каждый міг си найти одповідню для себе атракцию. Орґанізаторы заплянували варштаты робліня вінків і букєтів з зіля, народны гры і забавы та тереновы змаганя в гляданю квітя папортины. Пак было спільне пущаня вінків до рікы Ропа і гулянкы при ватрі. Того рока в часі акциі запрезентували ся тіж представникы ансамблю Терочка, діючого при Стоваришыню «Руска Бурса» в Ґорлицях.
Подія тішыт ся великом популярністю не лем серед жытелів ґорлицкого повіту, але і туристів.
Ольга ПЕЛЕХАЧ, лем.фм
(Публікуєме в оріґіналї – лемківскім варіантї русиньского языка.)