1. 4. 2021: У новим „Руским слове”
НОВИ САД – У штернастим тогорочним числу новинох „Руске слово” на початку новинох мож пречитац вельконоцну винчованку владики кир Георгия Джуджара.
Рубрика „Тижньовнїк” зазначела схадзку Роботного цела Проєктни биро, а „Нашо места” пишу о вибору нового предсидателя СО Кула, вандалствох у Руским Керестуре, алє и о гуманитарней акциї у котрей участвовали велї, а окреме Дюрдьовчанє, у збераню помоци Ваньови Романовому.
„Економия” понука розгварку зоз польопривреднїками у Коцуре и Вербаше котри ше пририхтую за ярню шатву, а пише и о оберацей хороти при дзивих птицох у Кули и Малим Стапару.
„Култура и просвита” пише о општинских смотрох рецитаторох у Керестуре и Дюрдьове, и о актуалносцох зоз керестурскей Школи. Ту и напис о роботи Дома култури РК под час епидемиї и напис о уписованю вельконоцних обичайох пошвецаня паски до Националного реґистру нєматериялного нашлїдства.
На бокох рубрики „Людзе, роки, живот” представена Иличова фамелия зоз Руского Керестура, а понукнути и текст о насилству над женми.
„Духовни живот” пише о Квитней нєдзелї у Руским Керестуре, акциї пораєня теметова у Дюрдьове, а ту и вистки зоз сримских парохийох.
На „Спорту” дознаваме резултати наших фодбалских клубох у їх першенствених лиґох, рубрика „Горуци тепши” пошвецена Велькей ноци, а як додаток вишла „Дикица”.
Я. ДЮРАНЇН, РутенпреС
(Публікуєме в оріґіналї – войводиньскім варіантї русиньского языка.)