1. 4. 2020: Коалічны патнеры будуть приспівати до Фонду взаємной помочі

  • Словакія є третёв із десятёх найлїпшых країн в охранї перед коронавірусом

    Словакія є третёв із десятёх найлїпшых країн в охранї перед коронавірусом

Братїслава 1. апріля (TASR) Коалічны партнеры ся договорили, же створять Фонд взаємной помочі, котрый буде рїшати індівідуалны жывотны припады овпливнены крізов, што споєна із шырїнём нового коронавірусу. Приспівати до нёго будуть посланцї, міністрy і далшы люде, котры на тім будуть з владов сполупрацовати. Інформовав о тім в середу, 1. апріля, премєр Іґор Матовіч (OĽaNO) з тым, же він сам до фонду дає цїлый свій плат.

„По догодї зо вшыткыма коалічныма партіями то є сполочне рїшіня. Не є то ініціатіва єдного або єдной партії, або уряду влады. Є то сполочне рїшіня, тыж із нашыма коалічныма посланцями. Будеме рады, кедь до того фонду рїшать ся приспівати і люде мімо коаліції, і посланцї опозіції, до чого днесь з того місця вас вызывам,‟ увів премєр.

Коаліція хоче подля Матовіча тым ґестом жытелям указати, же політіка і політіци не суть одторгнути од людей. „А же мы як копалічны партії на людей думаме, ці уж законами, або споминанов індівідуалнов помочов,‟ повів премєр. Уточнив, же Фонд взаємной помочі буде фондом, до котрого  будуть приспівати коалічны посланцї, коалічны партнеры, а і іншы люде, а то каждый слободно подля своёй увагы. „Маме догоду із вшыткыма посланцями в клубі OľaNO, же до того фонду приспівати будуть. Кедьже треба іти прикладом, вздаю ся цїлого премєрского плату,‟ додав премєр влады.

Подля председы партії Sme rodina Боріса Коллара ся од плату посланця патрламенту одвияють мздовы условія людей, наприклад, в штатній справі, манажерів, прокураторів ці судцїв. Фонд поважує Коллар за найлїпшу, нашвыдшу і найадреснїшу поміч родинам і людём в тяжкій жывотній сітуації. „Створить ся список, з котрого буде видно особну міру солідаріты каждого єдного посланця і міністра, як є охотный помочі обычайным людём,‟ підкреслив.

Подля підпредседнічкы партії Za ľudí Веронікы Ремішовой є тото дїло фондом солідарности з людми, котрым штат не знає помочі законами, ани іншыма леґіслатівныма способами. „Зато взникать тота добровольна актівіта коалічных посланцїв і коалічных членів влады. Будеме ся вшыткы складати на то, што бы штат не міг іншак вырїшыти. Єдночасно фонд дає істу флексібілность швыдкой і адресной помочі, жебы сьме знали вырїшыти тоты припады, котры поміч найвеце потребують,‟ додала.

Портал Уряду влады СР, переклад iз словацького языка: А. З., фотка TASR.

Script logo