1. 1. 2020: У США выходить часопис Підкарпатьска Русь

В тых днях ся нам дістали до рук послїднї дві чісла часопису „Karpatska Rusʼ / Carpathian Rusʼ ‟ (на фотоґрафіях), а може Вас то заінтересує, же такый фаребный часопис выходить в Споєных штатах Америкы. Выдавать го Карпатьскый інштітут (Carpathian Institute) в містї Гіґґанум, штатї Конектікат, на челї з проф. Др. Павлом Бестом. Тот часопис выходить уж 92-ый рік, спершу під назвов „LEMKO“ (1928 – 1940), а потім як „KARPATSKA RUSʼ “ (1940 - ). Часопис послїднїх 10 років выходить у штандатнім меджінароднім анґліцькім языку і є заміряный главно на Лемковину. Шкода, же в нїм ся не найдуть і даякы статї у русиньскім языку. Желаме часопису далшы рокы ёго выдаваня.

-аз-

Script logo